काठमाडौं। प्रमुख प्रतिपक्षी दल नेपाली कांग्रेसले प्रतिनिधि सभा विघटनका बिरुद्ध स्थानीय तहबाटै आन्दोलनमा जाने तयारी गरेको छ ।संसद विघटन बिरुद्ध गत १३ पुसमा १ वटै ६५ वटै प्रतिनिधि सभा निर्वाचन क्षेत्रमा शशक्त प्रदर्शन गरेको कांग्रेसले आइतबार बस्ने केन्द्रीय समिति बैठकबाट थप संघर्षका कार्यक्रम ल्याउने बारे छलफल गर्न लागेको हो ।

संसद विघटनको घटनापछि कांग्रेस सभापति शेरबहादुर देउवाले सो विषयमा पदाधिकारीसहितका नेताहरुसँग औपचारिक तथा अनौपचारिक संवाद गरिरहेका छन ।

देउवाले सो विषयमा पार्टीको केन्द्रीय समिति बैठक बोलाएरै केन्द्रीय सदस्यहरुको राय समेत लिंदै आइरहेका छन ।

कांग्रेस मुख्यसचिव कृष्णप्रसाद पौडेलले प्रतिनिधि सभा विघटन बिरुद्ध संघर्षका कार्यक्रमको तयारी भएको जानकारी दिए ।

‘प्रतिनिधि सभा विघटन बिरुद्ध आन्दोलन भन्दा पनि संघर्षका कार्यक्रममा जाने बारे छलफल भइरहेको हो, त्यसबारे आजको बैठकमा छलफल हुन्छ र केही खाका आउँछ,’ कांग्रेस मुख्यसचिव पौडेलले हाम्राकुरासँग भने ।

कांग्रेसले संसद विघटनको घटनालाई असंवैधानिक र अलोकतान्त्रिक कदम भन्दै आइरहेको छ भने सरकारको सो कदमकाबारे सर्वोच्च अदालतमा रिट परेकाले अदालतको निणर्यलाई समेत मान्ने बताउँदै आइरहेको छ ।

कांग्रेस स्रोतले दिएको जानकारी अनुसार केन्द्रीय समिति बैठकमार्फत कांग्रेसले पार्टीको सबै भन्दा तल्लो तह वडा तह, स्थानीय तह, जिल्ला र प्रदेशहुँदै केन्द्रसम्म संघर्षको कार्यक्रम ल्याउने छ ।

बैठकमा पार्टीको १४औं महाधिवेशनको नयाँ मिति र क्रियाशिल सदस्यता विवाद, असन्तुष्ट पक्षले बुझाएका १६ बुँदे लिखित मागसहितमा समेत छलफल हुनेछ ।

७ पुसबाट सुरु भएको बैठक यसअघी चार दिन बसेर स्थगित भएको थियो । अघिल्लो बैठकले संसद सिवघटनको बिरुद्ध १ सय ६५ वटै निर्वाचन क्षेत्रमा बिरोध प्रदर्शन गर्ने निणर्य गरेको थियो भने १६ पुसको मेलमिलाप दिवसको कार्यक्रलाई समेत विविध कार्यक्रम गर्दै मनाउँने निणर्य गरेको थियो ।

बैठकमा १२ जना केन्द्रीय सदस्यले समसामयीक राजनीतिक घटनाक्रम सहित कांग्रेसको अबको बाटोका बारे आफ्नो धारणा राखिसकेका छन । बाँकी कन्द्रीय सदस्यले धारणा राख्ने क्रम जारी छ । आइताबार (आज)को बैठकमा सहभागी हुन नेताहरु पार्टी केन्द्रीय कार्यालय जाँदै छन ।