- सुन चाँदी दर
- विनिमय दर
- नेपाली पात्रो
- राशिफल
काठमाडौं । चीनले कोरोना भाइरसको उद्गमस्थलमा अध्ययन गर्न गएको विश्व स्वास्थ्य संगठन(डब्लुएचओ)को टोलीलाई प्रवेशमा रोक लगाएको छ ।
संयुक्त राष्ट्रसंघको टोलीका दुई वैज्ञानीकहरु अध्ययनका लागि चीन जान निस्किएका थिए ।
चीनका लागि हिडेका उनीहरुलाई चिनियाँ अधिकारीहरुले प्रवेश गर्न नदिएका हुन् । विश्व स्वास्थ्य संगठनका महानिर्देशक डाक्टर टेड्रोस एड्हानोम गेहब्रेयससले मंगलबार जेनेभामा संचारकर्मीहरुसँग बोल्दै यो निकै नै दुःखद कुरा भएको बताएका छन् ।
उनले चिनियाँ अधिकारीहरुसँग यसका लागि निरन्तर वार्ता भइरहेको बताएका छन् । चीनले कोरोना भाइरसको उत्पत्तीको अध्ययनकालागि रोक लगाउँदै आएको छ ।
पछिल्लो पटक चीनले विश्व स्वास्थ्य संगठनको टोलीलाई नै प्रवेशमा रोक लगाएको हो । चीनको वुहानस्थित एक ल्याबमा चमेरा र विभिन्न जंगली जनावरबाट नमूना संकलन गरेर विभिन्न प्रजातीका कोरोना भाइरसको अध्ययन हुने गरेको छ ।
वुहानको प्रयोगशालाबाट कोरोना भाइरस फैलिएको पुष्टि गर्ने आधारहरु !
सोही ल्याबबाट कोरोना भाइरस बाहिरिएको हुनसक्ने आशंका गरिएको छ । यसै कारण पनि चीनले अध्ययन टोलीलाई प्रवेश गर्न नदिने गरेको हुनसक्ने ठानिएको छ ।एजेन्सी