प्रधानमन्त्री ओलीले गरे कोरोना विरुद्धको खोपको शुभारम्भ, भारतीय प्रधानमन्त्रीलाई धन्यवाद

प्रधानमन्त्री ओलीले गरे कोरोना विरुद्धको खोपको शुभारम्भ, भारतीय प्रधानमन्त्रीलाई धन्यवाद

एकैदिन १२ हजारलाई लगाइँदै खोप

प्रकाशित २०७७ माघ १४ बुधबार

काठमाडौं । प्रधानमन्त्री केपी शर्मा ओलीले नेपालमा कोरोना भाइरस विरुद्धको खोपको अभियान शुभारम्भ गरेका छन् । स्वास्थ्य तथा जनसंख्या मन्त्रालयले गरेको कार्यक्रममा प्रधानमन्त्री ओलीले भर्चुअल माध्यमबाट देशभरका खोप केन्द्रमा एकसाथ शुभारम्भ गरेका हुन् ।

उक्त भर्चुअल शुभारम्भ बुधबार नै शुरु भएका १२० केन्द्रमा देखाइएको थियो । पहिलो दिन नै १२ हजार जनालाई खोप लगाइने पनि जनाइएको छ । पहिलो खोप भने टेकुस्थित शुक्रराज ट्रपिकल तथा सरुवा रोग अस्पतालका निर्देशक डा. सागर राजभण्डारीले लगाएका छन् ।

प्रधनमन्त्री ओलीले भारतबाट प्राप्त १० लाख खोपमार्फत लगाइएको खोपको शुभारम्भ गरेका हुन् । भारतप्रति उनले आभार पनि व्यक्त गरेका छन् । उनले भारतीय प्रधानमन्त्री नरेन्द्र मोदीलाई धन्यवाद दिएका छन् ।