-
-
-
-
बर्दिया । नेपाल प्रेस युनियनको नवौँ महाधिवेशन आगामी जेठमा हुने भएको छ । बर्दियाको ठाकुरद्वारामा बुधवार बसेको केन्द्रीय कार्यसमिति बैठकले आगामी जेठ १३ र १४ गते महाधिवेशन गर्ने निर्णय गरेको हो ।
प्रेस युनियनको नवौँ महाधिवेशन आगामी जेठ १३ र १४ गतेका लागि निर्धारण गरिएको महासचिव अजय बाबु सिवाकोटीले जानकारी दिए । महाधिवेशन स्थलको टुङ्गो भने सचिवालयले लगाउने महासचिव शिवाकोटीले बताए ।
युनियनले यसअघि गत चैत २१ र २२ गते नेपालगन्जमा महाधिवेशन गर्ने निर्णय गरेर तयारी समेत थालिसकेको थियो । तर, विश्वव्यापीकरण फैलिएको कोरोना महामारीका कारण महाधिवेशन स्थगित गरिएको थियो ।
