-
-
-
-
काठमाडौं । बृहत् नागरिक आन्दोलनले शुक्रबार बिहान लैनचौरबाट पानीपोखरी हुँदै शीतल निवाससम्म मार्चपास गरेको छ ।
प्रतिनिधिसभा विघटन तथा संवैधानिक निकायमा गरिएका नियुक्तिको विरोधमा मार्चपास गरिएको हो ।
मार्चपासका क्रममा उनीहरुलाई प्रहरीले पानी पोखरीमै रोक्ने प्रयास गरेको थियो । सो क्रममा नागरिक अगुवाहरुले पानीपोखरी क्षेत्रमै कोणसभा गरेका थिए ।
मार्चपासमा सहभागीहरुलाई पानीपोखरीबाट प्रहरीले अघि बढ्न नदिएपछि कोणसभा गरिएको हो ।
मार्चपासका क्रममा राष्ट्रपति ज्यू संविधान कहाँ छ ?, अवैधानिक नियुक्ति मान्दैनौं, सत्ता कब्दा मुर्दावाद, लोकतन्त्र जिन्दावादलगायतका प्लेकार्ड प्रदर्शन गरिएको थियो । सभामा बोल्ने वक्ताहरुले प्रधानमन्त्रीको कदम र राष्ट्रपतिको भूमिकाको आलोचना गरे ।
