काठमाडौं । परापूर्वकालमा सबै उड्न सक्थे । तर अहिले ? योग र अध्यात्मबाट भने उड्न सक्ने तागत आउने दावी गरिन्छ । योग र अध्यात्मबाटै उड्न सिकाउने सन्त महर्षि हुन् महेश योगी ।
उनको सन् २००८ को फेब्रुअरी ५ तारिखमा ९१ वर्षको उमेरमा नेदरल्यान्डमा आफ्नै घरमा निधन भएको थियो । उनको भावातीत ध्यान विश्वभरमा लोकप्रिय छ ।
भारतको छत्तीसगढका महर्षि योगीको वास्तविक नाम महेशप्रसाद वर्मा थियो । उनी सन् १९१८ जनवरी १२ मा जन्मिएका थिए । उनले इलाहाबादबाट दर्शनशास्त्रमा स्नातकोत्तर गरेका थिए ।
देश विदेशका हस्तीहरु उनलाई आफ्नो गुरु मान्छन् । ६० को दशकमा महसुर बेलायती रक ब्यान्ड बिटल्सका सदस्यहरुले पनि महर्षि योगीलाई अनुयायी मान्थे ।
उनको ऋषिकेश आश्रममा तीन महिनासम्म बिटल्स ग्रुप बसेको थियो । बिटल्सकै कारण पश्चिममा उनको प्रसिद्धि बढेको थियो ।
उनले हिप्पी संस्कृतिबीच योग र ध्यानका माध्यमबाट आफ्नो गहिरो छाप जमाएका थिए । उनका भारतमा भन्दा विदेशमा बढी भक्त छन् ।
उनले ‘फ्लाइङ योगा’ सिकाउँथे । यो योगको सिद्धान्तबारे धेरै नै शोध भएको महर्षिको दाबी थियो ।
