काठमाडौं । नेपाल कम्युनिष्ट पार्टीका नेता रामबहादुर थापा ‘बादल’ले मांसाहारी आन्दोलन गरेर अपराध गर्नेलाई जावलाखेलको जु(चिडियाखाना) मा लगेर राखिने चेतावनी दिएका छन् ।
केपी शर्मा ओली नेतृत्वको नेकपाले राजधानीमा गरेको जनसभालाई सम्बोधन गर्दै बादलले मांसाहारी आन्दोलन कानुन विपरित रहेको र त्यस्तो क्रियाकलापमा संलग्नलाई जावलाखेलको चिडियाखानामा लगेर राखिने चेतावनी दिए ।
‘केहीले भन्दै छन, अब मांंसाहारी आन्दोलन हुन्छ, मांसाहारी आन्दोलन अपराध हो, त्यस्तो अपराध गर्नेलाई जावलाखेलको जु मा लगेर राखिन्छ,’ जनसभालाई सम्बोधन गर्दै सरकारका उपप्रधानमन्त्रीसमेत रहेका बादलले भने ।
उनले जन परिचालनबाट मात्रै अब राजनीतिक नेतृत्वलाई जोगाउन सकिने भएकाले सिंगो पार्टी आन्दोलनमा होमिएको बताए ।
नेता बादलले आगामी निर्वाचन नेतृत्वलाई जोगाउनका लागि ऐतिहासिक आन्दोलन भएको र निर्वाचनले नेतृत्वको रक्षा गर्ने समेत बताए ।
उनले नारायणहिटी अगाडि जनसभा गरिएको सन्दर्भमा समेत प्रष्ट पार्दै ‘राजतन्त्रको स्थापना हैन, गणतन्त्रको सुदृढीकरणका लागि नारायणहिटी अगाडी सभा आयोजना गरिएको’ जानकारी दिए ।
