-
-
-
-
काठमाडौं । निर्वाचन सम्बन्धी आचारसंहिताबारे छलफल गर्न निर्वाचन आयोगले राजनीतिक दलका प्रतिनिधिहरुलाई आयोगको कार्यालयमा बोलाएको छ ।
आइतबार बिहान ११ः३० बजे दलका प्रतिनिधहरुलाई बोलाइएको आयोगले जनाएको छ । आयोगले निर्वाचन सम्बन्धी आचारसंहिताको मस्यौदा बनाइसकेकाले सो बारे छलफल गर्न लागेको हो ।
संघ, प्रदेश र स्थानीय तहमा प्रतिनिधित्व गरिरहेका दलहरुलाई छलफलका लागि बोलाइएको हो । प्रतिनिधि सभा विघटनबारे सर्वोच्च अदालतमा मुद्दा विचाराधीन अवस्थामा रहेका बेला सरकारले वैशाखमा निर्वाचन गर्ने घोषणा गरिसकेको छ ।
