कृष्णप्रसाद भट्टराई राष्ट्रिय पत्रकारिता पुरस्कार डा.आचार्यलाई, अन्य सात पत्रकारलाई राष्ट्रिय पुरस्कार
प्रकाशित २०७७ फागुन ५ बुधबार
551
Shares
काठमाडौं । नेपाल पत्रकार महासंघले वार्षिक रुपमा प्रदान गर्दै आएको पाँच वटा राष्ट्रिय पत्रकारिता पुरस्कार वुधबार एक भब्य समारोहबीच प्रदान गरेको छ ।
'प्रेस स्वतन्त्रताको आधारः सुरक्षित र व्यवसायिक पत्रकार’ नारासहित नेपाल पत्रकार महासंघको २६ औं महाधिवेशन उद्घाटन समारोहका अवसरमा एक लाख रुपैंयाँ राशीको कृष्णप्रसाद भट्टराई राष्ट्रिय पत्रकारिता पुरस्कार नेपाल पत्रकार महासंघका पुर्वअध्यक्ष डाक्टर सुरेश आचार्यलाई प्रदान गरियो ।
प्रमुख अथिति उपराष्ट्रपति नन्दबहादुर पुन, अथिति संचार मन्त्री पार्वत गुरुङ, पत्रकार महासंघका पूर्वसभापति हरिहर विरहीलगायतले उक्त पुरस्कारहरु प्रदान गरेका हुन् ।
त्यसैगरी ५० हजार राशीको गोविन्द वियोगी राष्ट्रिय पत्रकारिता पुरस्कार नेपाल टेलिभिजनका पुष्पहरि क्याम्पा राई र ५० हजार राशीको कृष्णसेन इन्छुक राष्ट्रिय पत्रकारिता पुरस्कार विनोद पहाडीलाई प्रदान गरियो ।
त्यस्तै १० हजार राशीको उमासिंह राष्ट्रिय पत्रकारिता पुरस्कार शिल्पा कर्ण र मन्दिरा थापा प्रदान गरियो । त्यस्तैगरी १० हजार राशीकै गौरी कठायत स्मृति पत्रकारिता पुरस्कार राम भटन शाह र मुना हमाललाई प्रदान गरियो ।
सोही अवसरमा कोरोना संक्रमणविरुद्ध १० हजार राशीको विपद पत्रकारिता पुरस्कार ३५ जना क्रियाशिल पत्रकारहरुलाई प्रदान गरियो ।
