-
-
-
-
काठमाडौं । नेपाल कम्युनिष्ट पार्टी (नेकपा) को प्रचण्ड–नेपाल समूहका नेता भीम रावल (पीएचडी) ले प्रधानमन्त्री केपी शर्मा ओलीको स्वेच्छाचारिताप्रति गम्भीर आपत्ति जनाएका छन् ।
सामाजिक संजाल ट्वीटरमार्फत उनले प्रधानमन्त्री पदमा रहेर पदीय गरिमाको समेत ख्याल नगर्ने ओलीको कदमप्रति उनले आपत्ति जनाएका हुन् ।
उनले लेखेका छन्, ‘प्रधानमन्त्री पदमा रहेर आमसभाबाट सर्वोच्च अदालतलाई धम्क्याउनु, फरार अपराधीहरूलाई गुटमा भित्र्याउनु, राजनीतिको अपराधीकरण गर्नु र आफैं कामचलाउ रहेको स्थितिमा हठात् प्रदेश नं. २ का प्रमुखलाई हटाउनुबाट केपी शर्मा ओली निरंकुश, स्वेच्छाचारी र गुटस्वार्थको बाटोमा तल्लीन रहेको पुष्टि हुन्छ।’ भनेका छन् ।
