-
-
-
-
काठमाडौँ । मुलुकमा थप ११२ कोभिड-१९ संक्रमित भेटिएका छन् । स्वास्थ्य तथा जनसङ्ख्या मन्त्रालयका अनुसार गत २४ घण्टामा देशभर तीन हजार ४११ जनाको पिसिआर परीक्षण भएकामा ११२ जनामा कोरोना पुष्टि भएको हो ।
हालसम्म देशभर कोरोना संक्रमितको कूल सङ्ख्या दुई लाख ७३ हजार ८७२ पुगेको छ । मन्त्रालयका अनुसार हालसम्म २१ लाख ५३ हजार ६३६ जनाको पिसिआर परीक्षण गरिएको छ ।
गत २४ घण्टामा थप ४८ जना संक्रमणमुक्त भएसँगै हालसम्म दुई लाख ७० हजार २२३ जना कोरोना संक्रमणमुक्त भएर घर फर्किएका छन् । कोरोना निको भएको दर ९८ दशमलव ७ प्रतिशत रहेको छ ।
कोरोनाबाट हालसम्म दुई हजार ७६७ जनाएको मृत्यु भएको छ ।
