-
-
-
-
काठमाडौं । स्पेनिश ला लिगा फुटबलमा कप्तान लियोनल मेस्सीको गोलमा बार्सिलोना विजयी भएको छ । उपाधि दाबेदार बार्सिलोनाले सहज जित निकाल्ने क्रममा शनिबार रातिको खेलमा सेभियालाई २–० गोल अन्तरले पराजित गरेको हो ।
चौथो स्थानको सेभियाको मैदानमा बार्सिलोनालाई जित दिलाउन मेस्सी र ओसुमाने डेम्बेलेले एक एक गोल गरे । यो जितसँगै बार्सिलोना लिगको दोस्रो स्थानमा पुगेको छ ।
अन्य खेलको नतिजा
आइबर १–१ हुएस्का
डेपोर्टिभो अलाभेस ०–१ ओसासुना
गेटाफे ३–० भ्यालेन्सिया
अंक तालिका
शनिबारका खेलपछि बार्सिलोना २५ खेलबाट ५३ अंकसहित दोस्रो स्थानमा पुगेको छ । पहिलो स्थानको एथलेटिको मड्रिडको २३ खेलमा ५५ अंक छ ।
तेस्रो डिफेन्डिङ च्याम्पियन रियाल मड्रिडको २४ खेलबाट ५२ अंक छ । चौथो स्थानको सेभियाको २४ खेलमा ४८ अंक छ । पाँचौं रियाल सोसिडाडको ४१ अंक छ ।
