देशलाई तीव्र गतिमा विकास गरेकाले ममाथि शारीरिक हमलाको खतरा छ: प्रधानमन्त्री ओली

प्रकाशित २०७७ फागुन १७ सोमबार

काठमाडौं । प्रधानमन्त्री केपी शर्मा ओलीले सरकार प्रभावकारी रुपमा अघि बढेको देखेर आफूमाथि सम्पूर्ण रुपमा हमला भएको बताएका छन् ।

सोमबार नेकपा गण्डकी प्रदेशस्तरीय भेला तथा प्रशिक्षण कार्यक्रमलाई सम्बोधन गर्दै ओलीले देशलाई तीव्र गतिमा विकास गरेकाले आफूमाथि हमला भइरहेको बताएका हुन् ।

आफू नरहेपनि पार्टीको भविष्य अन्धकार हुन नदिने बताउँदै ओलीले भने, ‘शारीरिक हमला भएर ममाथि तल/माथि भए पनि अनौठो नमाने हुन्छ’ उनले अगाडि भने,‘म रहिन भने पनि केही छैन। हाम्रो आन्दोलन छ। यो आन्दोलनले प्रतिक्रियावादी तत्त्वहरुसँग घुडा टेक्न हुँदैन।’