प्रचण्ड-नेपाल समूहले बोलायो संसदीय दलको आकस्मिक बैठक
प्रधानमन्त्रीविरुद्ध अविश्वासको प्रस्ताव दर्ता अन्योलमा
प्रकाशित २०७७ फागुन २३ आइतबार
874
Shares
काठमाडौं । नेकपाको प्रचण्ड-नेपाल समूहले पार्टीको संसदीय दलको बैठक बोलाएको छ । आइतबार अपरान्ह शुरु हुने संसद बैठकमा कसरी जाने भन्ने विषयमा रणनीति बनाउन सो समूहले आकस्मिक दलको बैठक बोलाएको हो ।
बैठक दलको सिंहदरबारस्थित कार्यालयमा केही बेरमा बस्ने नेकपाका प्रमुख सचेत देव गुरुङले जानकारी दिए । गत शुक्रबार बसेको दलको बैठकमा ओलीले राजीनामा नदिए आइतबार अविश्वास प्रस्ताव दर्ता गर्ने निर्णय भएको थियो ।
तर प्रधानमन्त्री केपी ओलीले भने राजीनामाको मनस्थिति बनाएका छैनन् । त्यसकारण अविश्वासको प्रस्ताव दर्ता गर्ने कि नगर्ने भन्ने अन्योल प्रचण्ड-नेपाल समूहमा छ ।
सोही विषयमा थप छलफल गर्न प्रचण्ड-नेपाल समूहले दलको आकस्मिक बैठक बोलाएको हो । बैठकमा कांग्रेसको भूमिका र कांग्रेससँगको छलफलका विषयमा पनि कुराकानी हुने नेताहरुले बताएका छन् ।
