कोरोनाको नयाँ भेरियन्टले तीन दिनमै फोक्सो ७० प्रतिशतसम्म संक्रमित बनाउँदै

हाम्रा कुरा

प्रकाशित २०७७ चैत ३० सोमबार

काठमाडौं । कोरोना भाइरसको दोस्रो लहरमा संक्रमणको गति तीव्र भइरहेको छ । दोस्रो लहरमा देखिएको नयाँ भेरियन्टको कोरोनाले मानिसको फोक्सोलाई सात दिनको सट्टा तीन दिनमै संक्रमित बनाउने पाइएको छ ।

पहिले ७ दिनमा फोक्सोमा असर गर्दै आएको कोरोनाले अहिले तीन दिनमै ५० देखि ७० प्रतिशतसम्म संक्रमित बनाउँदै गएको पाइएको हो । विशेषज्ञहरुका अनुसार संक्रमणको गति अहिले निकै नै तेज भइरहेको छ ।

कोरोनाको नयाँ स्ट्रेनले २ देखि ३ दिनमै फोक्सोलाई ७० प्रतिशतसम्म संक्रमित बनाइदिन थालेको हो । आरटी पीसीआरको रिपोर्ट वा सीटी स्क्यानको रिपोर्ट आउन २४ देखि ३६ घण्टा लाग्दै आएकामा उक्त समयसम्म कोरोनाले फोक्सोमा संक्रमण गरिसक्ने चिकित्सकहरुले बताएका छन् ।