-
-
-
-
काठमाडौं । प्रधानमन्त्री केपी शर्मा ओलीले अमेरिकी सहयोग कार्यक्रम मिलेनियम च्यालेन्ज कर्पोरेशन (एमसीसी) योजना संसदबाट पारित हुनुपर्ने बताएका छन् ।
राष्ट्रका नाममा सम्वोधन गर्दै बुधबार बिहान सिंहदरबारबाट प्रधानमन्त्री ओलीले एमसीसीलाई रोकेर फाइदा नहुने भन्दै यसलाई पारित गर्नुपर्ने बताएका हुन् ।
उनले नेपाली कांग्रेस र नेकपा माओवादी केन्द्रको सरकारका पालामा नै संसदमा एमसीसी पेश भएको भन्दै अहिले तिनै दलहरुले एमसीसी रोक्नु नहुने पनि बताएका छन् ।
उनले विरोधका लागि विरोध गरेर विकासका कामहरु रोक्न नहुने पनि स्पष्ट पारेका छन् ।
सम्वोधनका क्रममा प्रधानमन्त्री ओलीले केही दलले विरोधका लागि विरोधमात्र गरिरहेको भन्दै सरकारले राम्रा काम गरिरहेको र गर्दै जानेसमेत बताएका छन् ।
