गण्डकीका मुख्यमन्त्री विरुद्ध अविश्वास प्रस्ताव दर्ता : कांग्रेस नेताको नाम प्रस्ताव

हाम्रा कुरा

प्रकाशित २०७८ वैशाख २ बिहिबार

काठमाडौँ । गण्डकी प्रदेशका मुख्यमन्त्री पृथ्वी सुब्बा गुरुङ विरुद्ध गण्डकी प्रदेश सभामा अविश्वास प्रस्ताव दर्ता भएको छ । नेपाली कांग्रेस, माओवादी केन्द्र र जनता समाजवादी पार्टीका गरी २८ जना सांसदहरूले मुख्यमन्त्री गुरुङ विरुद्ध अविश्वासको प्रस्ताव दर्ता गराएका हुन् ।

मुख्यमन्त्री गुरुङ विरुद्ध अविश्वासको प्रस्ताव दर्ता गरिएपछि नयाँ मुख्यमन्त्रीका लागि कांग्रेस संसदीय दलका नेता कृष्णचन्द्र नेपाली पोखरेलको नाम प्रस्ताव गरिएको छ ।

अविश्वासको प्रस्ताव दर्ता गर्नेहरूमा कांग्रेसका १४, माओवादी केन्द्रका ११ र जनता समाजवादी पार्टीका दुई जना सांसद छन् ।
मुख्य तीन दलका सांसदहरूले पेश गरेको अविश्वास प्रस्तावमा राष्ट्रिय जनमोर्चाका सांसदले पनि सहमति दिने बताएका छन् ।