नेपालगन्जमा परीक्षणको झण्डै सतप्रतिशतमा कोरोना संक्रमण, तीन वडा ‘हट स्पट’
सौरभ गिरी,
प्रकाशित २०७८ वैशाख ६ सोमबार
1.3k
Shares
नेपालगन्ज । नेपालगन्जमा कोरोना भाइरसको संक्रमणदर उच्च हुँदै गएको छ । एक साता यता कोरोनाको ग्राफ अप्रत्याशित रुपले बढेको छ । केही दिनयता त स्वाब परीक्षण गराएका झण्डै सतप्रतिशतमा कोरोना देखिएको छ ।
चिन्ह वा लक्षण देखिएर अस्पतालसम्म पुगेकाहरुमा यो अवस्था देखिँदा समुदायस्तरमा कोरोना भुसको आगो झै फैलिसकेको सहजै अनुमान गर्न सकिन्छ ।
पहिलो लहरको कोरोनाले नराम्ररी गाँजेको नेपालगन्जलाई दोस्रो लहरले अझ बढी घेरेको छ । नेपालगन्जका तीन वटा वडा अहिले कोरोनाको ‘हटस्पट’ नै बनेका छन् ।
जिल्ला कोभिड–१९ संकट व्यवस्थापन केन्द्रका फोकल पर्सन तेज वलीका अनुसार नेपालगन्जका वडा नम्बर १०, १२ र १८ मा कोरोना अप्रत्याशित रुपले फैलिएको छ ।
वडा नम्बर १० भृकुटीनगर, वडा नम्बर १२ कोरियनपुर र वडा नम्बर १८ कारकाँदोमा कोरोना संक्रमणदर उच्च छ ।
