-
-
-
-
नेपालगन्ज । बाँकेमा ७५ वर्षीय वृद्धको कोरोना संक्रमणबाट होम आइसोलेसनमै मृत्यु भएको छ । कोहलपुर १४ का उनमा आइतबार कोरोना पुष्टि भएको थियो ।
नेपालगन्ज मेडिकल कलेजमा बैशाख ४ गते भर्ना भएका उनको आइतबार कोरोना रिपोर्ट पोजेटिभ आएको थियो ।
उनको गएराति १२ बजे घरमै मृत्यु भएको जिल्ला कोभिड-१९ संकट व्यवस्थापन केन्द्रका फोकल पर्सन तेज वलीले बताए । यो संगै बाँकेमा कोरोनाबाट मृत्यु हुनेको संख्या ६१ पुगेको छ ।
पक्षघातका विरामी उनलाई उपचारका लागि भारत लगिएको थियो । तर, त्यहाँको अस्पतालले अवस्था गम्भीर भएको भन्दै घरै लैजान सुझाव दिएपछि बैशाख ४ गते नेपाल फर्की उनलाई नेपालगन्ज मेडिकल कलेजमा भर्ना गरिएको थियो । स्वास्थ्य सुधार हुने संकेत नदेखिएपछि परिवारले उनलाई घर लगेको थियो ।
