-
-
-
-
पोखरा । पोखरा महानगरपालिकाका सबै शैक्षिक संस्था बन्द हुने भएका छन् । आगामी जेठ १ गतेसम्मका लागि पोखराका शैक्षिक संस्था बन्द हुने भएका हुन् ।
कोरोना संक्रमण फैलिएपछि मन्त्रिपरिषद् बैठकले शहरी क्षेत्रका शैक्षिक संस्थाहरूको भौतिक पठन-पाठन बन्द गर्ने निर्णय गरेसँगै पोखराका शैक्षिक संस्था पनि बन्द हुने भएका हुन्।
पोखरा महानगरपालिकाले आइतबार पोखरामा शैक्षिक संस्था बन्द नगर्ने निर्णय गरेको थियो । तर केन्द्र सरकारले नै बन्द गर्ने निर्णय गरेपछि पोखरा महानगरपालिका पछि हटेको हो ।
पोखरा महानगरपालिकाका शैक्षिक महाशाखा प्रमुख हेमप्रसाद आचार्यले आफूहरूले शिक्षण संस्था बन्द नगर्ने निर्णय गरे पनि केन्द्र सरकारको निर्देशन पछि आफूहरू पछि हट्न बाध्य भएको बताए ।
उनले भने, ‘हामीले त शैक्षिक संस्था बन्द नगर्ने निर्णय गरेका थियौँ तर केन्द्र सरकारले नै गह्रुंगो निर्णय गरेपछि हामी पछि हट्न बाध्य भयौँ ।’
