-
-
-
-
काठमाडौं । कोरोना भाइरस संक्रमित भारतीय पूर्व मन्त्री एवं दिल्ली कांग्रेसका वरिष्ठ नेता अशोककुमार वालिया (एके वालिया) को मृत्यु भएको छ ।
७२ वर्षको उमेरमा उनको दिल्लीको अपोलो हस्पिटलमा बुधबार राति मृत्यु भएको हो । उनको राति १ः३० बजे मृत्यु भएको जनाइएको छ ।
त्यस्तै सीपीआई (माक्र्सवादी) नेता सीताराम यचुरीका छोरा आशिषको पनि कोरोनाका कारण मृत्यु भएको छ । उनी मात्र ३० वर्षका थिए ।
येचुरीले सामाजिक संजाल ट्वीटरमा ट्वीट गर्र्दै छोराको मृत्यु भएको जनाएका हुन् । उनले लेखेका छन्, ‘मैले ठूलो छोरा आशिष येचुरीलाई आज बिहानै कोभिडका कारण गुमाएँ । मैले ती सबैलाई धन्यवाद दिन चाहन्छु जसले आशा दिए र जसले उनको उपचार गरे ।’
भारतमा कोरोनाको महामारी तीव्र भएसँगै मृतक पनि थपिँदै गएका छन् ।
