२४ घण्टामा थपिए साढे ५ हजार भन्दा बढी सङ्क्रमित, उपत्यकामा मात्र करिब तीन हजार
३३ जनाको मृत्यु
हाम्राकुरा संवाददाता
प्रकाशित २०७८ वैशाख १७ शुक्रबार
480
Shares
काठमाडौं । पछिल्लो २४ घण्टामा थप ५ हजार ७ सय २७ जनामा कोभिड१९ को सङ्क्रमण पुष्टि भएको छ । योसँगै हालसम्म सङ्क्रमित हुनेको सङ्ख्या ३ लाख २३ हजार १ सय ८७ पुगेको छ ।
त्यस्तै पछिल्लो २४ घण्टामा ३३ जनाको मृत्यु भएको छ । योसँगै हालसम्म मृत्यु हुनेको सङ्ख्या ३ हजार २ सय ७९ पुगेको छ ।
पछिल्लो २४ घण्टामा ९ सय २८ जना सङ्क्रमणमुक्त भएका छन् । योसँगै कुल सङ्क्रमणमुक्त हुनेको सङ्ख्या २ लाख ८१ हजार ९५ पुगेको छ । हाल सक्रिय सङ्क्रमितको सङ्ख्या ३८ हजार ८ सय १३ पुगेको छ ।
काठमाडौंमा मात्रै २४ सय ४ जनामा सङ्क्रमण पुष्टि भएको छ । त्यस्तै ललितपुरमा ४ सय १९ र भक्तपुरमा १ सय ३३ जनमा सङ्क्रमण पुष्टि भएको छ ।
हाल ३ सय ३१ जनाको आइसियु र १ सय १५ जनाको भेन्टिलेटरमा उपचार भइरहेको छ ।
