-
-
-
-
काठमाडौं । संस्कृति, पर्यटन तथा नागरिक उड्डयन मन्त्री भानुभक्त ढकाल र उनकी पत्नी इन्दिरा फुयाँललाई कोरोना सङ्क्रमण पुष्टि भएको छ ।
मन्त्री ढकालले आफू र पत्नीलाई सङ्क्रमण पुष्टि भएको सामाजिक सञ्जाल ट्विटरमा लेखेका छन् । उनले आफू र पत्नी घरमा नै आइसेलेसनमा बसेको र आफूसँग सम्पर्कमा आएकाहरूलाई सुरक्षित रहन आग्रहसमेत गरेका छन् ।
‘आज गरिएको परीक्षणबाट हामी श्रीमान् श्रीमतीलाई कोभिड-१९ सङ्क्रमण भएको नतिजा प्राप्त भएको छ, हाल हाम्रो स्वास्थ्य अवस्था सामान्य रहेको छ र हामी निवासमा नै आराम गरिरहेका छौं,’ यस बीचमा हामीसँग सम्पर्कमा आउनुभएका महानुभावहरूलाई आवश्यक सावधानी र सजगता अपनाउनुहुन अनुरोध गर्दछौं धन्यवाद ।’ भन्दै ट्विट गरेका छन्।
