-
-
-
-
काठमाडौं । नेकपा माओवादी केन्द्रले सरकारलाई दिएको समर्थन फिर्ताको पत्र संसद सचिवालयमा बुझाएको छ । प्रमुख सचेतक देव गुरुङले केही बेरअघि संसद सचिवालयका सचिव गोपालनाथ योगीलाई समर्थन फिर्ताको पत्र बुझाएका हुन् ।
माओवादी केन्द्रको मंगलबार बसेको स्थायी कमिटी बैठकले सरकारलाई दिएको समर्थन फिर्ता लिने निर्णय गरेको थियो । माओवादीतर्फबाट हाल संसदमा ४९ सांसद छन् ।
माओवादीको यो कदमसँगै वर्तमान केपी ओली नेतृत्वको सरकार अल्पमतमा परेको छ । प्रधामन्त्री ओलीले भने २७ गते संसदमा विश्वासको मत लिदैं छन् ।
