श्रीमती परपुरुषसँग लागेको भनेपछि पेट्रोल छरेर छिमेकीलाई जिउँदै जलाइयो

प्रकाश मैनाली,

प्रकाशित २०७८ वैशाख २६ आइतबार

सर्लाही । शिवजी साहले छिमेकी सिया शरण रायलाई पेट्रोल छर्की आगो लगाइ हत्या गरेका छन् । वैदेशिक रोजगारको सिलसिलामा दुबईमा गएका शिवजी साह उनी दुबईमा बसी काम गर्दै आई रहेका थिए ।

साह विदेशमा रहेको बेला छिमेकी सिया शरण रायले (मृतक) श्रीमती सुनिता देवी साह तेली परपुरुष सँग लागेको भनी गाउँ घरमामा आरोप लगाएको कारण उनले छिमेकी सिया शरण रायललाई पेट्रोल छर्की आगो लगाइ दिएका हुन ।

शिवजीले आफू विदेशमा रहेको बेला आफ्नो श्रीमती परपुरुष सँग लागेको भनी अफवाह फैलाएको भए पनि घर परिवारमा आएर बुझ्दा त्यसो नदेखिएकाले रिसको झोकमा आफूले पेट्रोल छर्की आगो प्रहरीलाई बताएका छन् ।

१९ गते घर आउँदा शिवजी साहले घर फकार्दा बर्दिबासबाट पेट्रोल खरिद गरी ल्याई घरमा राखिएको र भोलि पल्ट २० गते बिहान सोही पेट्रोल जगमा राखी घर अगाडी रहेको धारा नजिकै सिया शरण राय बसी रहेको अवस्थामा रायको जिउमा पछाडिबाट जगमा ल्याएको पेट्रोल खन्याई आगो लगाएको प्रहरीको भनाइ छ ।

साहले काठमा कपडा बेरी बनाएको मुका र लाइटरको सहायताले रायको शरीरमा आगो लगाएर जलाएको देखिएको जिल्ला प्रहरी कार्यालय सर्लाहीका सूचना अधिकृत मदन कुँवर जानकारी दिए ।

आगो लगाएर फरार भएका साहलाइ प्रहरीले २५ गते बिहान सर्लाही मलंगवा नगरपालिका वडा नं. ५ भाडसर स्थित नेपाल भारत सीमावर्ती क्षेत्र वाट इलाका प्रहरी कार्यालय केशरगज सर्लाहीबाट प्रहरी निरीक्षक जनकराज ढुङ्गानाको कमान्डमा खटिएको प्रहरी टोलीले समात्न सफल भएको प्रहरीले जनाएको छ ।

आगोले जलेर गम्भीर घाइते भएका सिया शरणलाई उपचारका लागि तत्कालै धनुषाको लालगढ पुर्‍याइएको थियो । उनलाई त्यहाँ सामान्य उपचारपश्चात् थप उपचारका लागि हेलिकप्टरमार्फत काठमाण्डौं लगिएको थियो तर उनको उपचारको क्रममा मृत्यु भएको जिल्ला प्रहरी कार्यालय सर्लाहीका सूचना अधिकृत मदन कुँवर जानकारी दिए ।