भेरी अस्पतालको घटनाप्रति स्वास्थ्यकर्मी सङ्घ गण्डकीको आपत्ति

हाम्रा कुरा

प्रकाशित २०७८ जेठ १४ शुक्रबार

पोखरा । बाँकेको भेरी अस्पतालमा भएको घटनाको नेपाल स्वास्थ्यकर्मी सङ्घ गण्डकी प्रदेशले आपत्ति एवं निन्दा गरेको छ ।

सङ्घका अध्यक्ष नारायण बरालले शुक्रवार विज्ञप्ति जारी गरेर अस्पतालका चिकित्सक र स्वास्थ्यकर्मीमाथि बिहीबार राति भएको साङ्घातिक हमलाको भर्त्सना र निन्दा गरेको हो ।

जुनसुकै राजनीतिक दल तथा नेताहरूको आवरणमा होस वा अन्य कुनै पनि कारणले कोभिड १९ को यो महामारीमा जनताको सेवामा समर्पित स्वास्थ्यकर्मीमाथि भएको हमला निन्दनीय रहेको सङ्घले ठहर छ ।

कोरोनाको बेला उच्च मनोबलका साथ काम प्रति अझ प्रोत्साहन गर्नुपर्ने बेलमा उल्टै तिनै स्वास्थ्य जनशक्तिमाथि धावा बोल्नु आम नागरिकप्रतिको घात भएको सङ्घले जनाएको छ । साथै घटनामा दोषीलाई छिटो भन्दा छिटो पक्राउ गरी दोषीमाथि कडा कारबाही गर्न सङ्घले माग पनि गरेको छ ।