-
-
-
-
पोखरा । पोखरास्थित पोखरा स्वास्थ्य विज्ञान प्रतिष्ठान पश्चिमाञ्चल अस्पतालको सबै सेवा आगामी आइतबारदेखि सुचारु हुने भएको छ । गण्डकी अस्पतालको नामबाट परिचित अस्पताललाई कोरोना अस्पताल बनाउने निर्णयसँगै अघिल्लो सातादेखि बन्द भएको थियो ।
कोरोनाको उपचारका लागि ओपिडी सेवा सञ्चालनका लागि ओपिडी अन्तर्गतका सेवाहरू बन्द गरिएको प्रतिष्ठानका निर्देशक डा. भरत खत्रीले जानकारी दिए ।
यस अवधिमा अस्पतालका ओपिडीबाहेक अन्य सबै सेवा चालु अवस्थामै रहेको डा. खत्रीले जानकारी दिए ।
उनले कोभिड सङ्क्रमित उपचार गर्ने ठाउँको तयारी भइसकेको र आगामी आइतबारदेखि सबै सेवा सुचारु हुने बताए ।
अस्पतालका ओपडी सेवा केही दिन प्रभावित भएको भए पनि आइतबारदेखि सेवा सुचारु हुने र ढुक्क भएर सेवा दिन आउन उनले आग्रह गरे ।
