-
-
-
-
काभ्रे । काभ्रेपलान्चोक सामुदायिक अस्पताललाई स्वास्थ्य सामग्री तथा खाद्यान्न प्रदान गरिएको छ । काभ्रेको चौरी देउराली गाउँपालिका डिसीडब्लूसी सामुदायिक अस्पताललाई हातेमालो अभियान कार्यक्रमले विभिन्न स्वास्थ्य सामग्री तथा खाद्यान्न सहयोग स्वरूप प्रदान गरेको हो ।
अभियानका र्यापर गायक निर्णय श्रेष्ठ, ‘एनएसके, फोटो पत्रकार हरि गोपाल प्रधान, वर्ल्ड बुक अफ रेकर्ड नेपालका अध्यक्ष सागर कटवाल र विजय खड्कालगायतले एक कार्यक्रमबिच उक्त अस्पताललाई स्वास्थ्य सामग्री तथा खाद्यान्न उपलब्ध गराएका हुन् ।
स्वास्थ्य सामग्री तथा खाद्यान्नमा १५ बोरा चामल, अक्सिजन सिलिन्डर, अक्सिमिटर, थर्मामिटर, ५ सय पिस मास्क, साबुन १ हजार पिससहित केही औषधी लगायतका सामग्री रहेका छन् ।
