-
-
-
-
पोखरा । म्याग्दीमा बाढीले घर बगाउँदा बुधबार बिहान दुई जनाको मृत्यु भएको छ । मंगला गाउँपालिका-५, छिसबाङ खहरेमा आएको बाढीले बाढीले बगाउँदा उनीहरुको मृत्यु भएको प्रहरीले जनाएको छ ।
खहरेखोलामा आएको बाढीले थमबहादुर बुढाको घर बगाउँदा त्यहाँ पसल गरि बस्ने मालिका गाउँपालिका-६ रातोढुङ्गाका खगेन्द्र रोकाका छोरा बजिन र बुहारी बिनालाई बेपत्ता बनाएको थियो ।
मालिका गाउँपालिका-६ का वडा अध्यक्ष सन्तोष सुवेदीका अनुसार बाढीले बगाएर बेपत्ता बनाएका दुबैको शव फेला परेको हो ।
इलाका प्रहरी कार्यालय दरबाङबाट खटिएका प्रहरी, मंगला र मालिका गाउँपालिकाका जनप्रतिनिधि र स्थानीयबासीहरु बेपत्ताको खोजीका साथै जोखिममा रहेका घरको ब्यवस्थापनमा परिचालन भएको उनले बताए ।
खहरेखोलाको बाढी पसेर मंगला गाउँपालिकाको छिसवाङ खरहेका अन्य घरहरुमा पनि क्षति पुगेको इलाका प्रहरी कार्यालय दरबाङका प्रहरी निरिक्षक सन्तोष पौडेलले जानकारी दिए ।
