संसारकै महँगो तरकारी, प्रतिकिलो १ लाख ३८ हजार रुपैयाँ

हाम्रा कुरा

प्रकाशित २०७८ असार २५ शुक्रबार

काठमाडौँ । हामीले दैनिक खाने तरकारी कम मूल्यमा सजिलै किन्न सकिन्छ। तर विश्वमा यस्तो एउटा महँगो तरकारी पनि छ जुन धनी व्यक्तिहरूले किन्नु अघि पनि सोच्नुपर्ने हुन्छ। प्राय यो तरकारी एक हजार युरो प्रति किलोग्राममा बिक्दछ । नेपालमा यसको मूल्य १ लाख ३८ हजार रुपैयाँ किलो बराबर पर्न आउँछ।

यस तरकारीको नाम 'हप शूट्स' हो । यसमा रहेको फूललाई 'हप कोन्स' भनिन्छ। वास्तवमा यसको फूल बियर बनाउन प्रयोग गरिन्छ जबकि बाँकी फलहरू खानाको रूपमा प्रयोग हुन्छन्। महँगो भएको कारण यो तरकारी कुनै बजार वा स्टोरमा विरलै देख्न पाइन्छ।

'हप शूट्स' औषधीय गुणहरूले सम्पन्न हुन्छ, त्यसैले यो जडीबुटीको रूपमा पनि प्रयोग हुन्छ। दाँतको दुखाइमा यो धेरै प्रभावकारी छ। यस बाहेक, क्षयरोग जस्ता गम्भीर रोगको उपचारमा पनि यसको प्रयोग गरिन्छ। यसमा एन्टिबायोटिक गुणहरू पाइन्छन्।

यसलाई काँच्चै पनि खान सकिन्छ। यद्यपि यसको स्वाद एकदम कड्क हुन्छ। यसको फलहरूलाई सलादको रूपमा प्रयोग गरिन्छ। अचार पनि बनाउन सकिन्छ, जुन धेरै स्वादिलो र खानका लागि लाभदायक हुन्छ।

८०० इस्वी तिर यसलाई बियरमा मिसाएर मानिसहरूले पिउँथे, र यो प्रवृत्ति अझै चलिरहेको छ। यसको खेती पहिले उत्तरी जर्मनीमा सुरु भयो र त्यसपछि यो बिस्तारै विश्वभर फैलियो।

यसमाथि १८औँ शताब्दीको सुरुतिर इङ्गल्यान्ड पहिलो पटक कर लगाइएको थियो । साथै,बियर बनाउनका लागि यसको प्रयोग अनिवार्य गरिएको थियो । ताकि बियर स्वादिष्ट होस।

मार्चदेखि जूनलाई 'हप शूट्स' खेतीका लागि उपयुक्त समय मानिन्छ। यसको बोट आर्द्रता साथै सूर्यको किरणले धेरै छिटो बढ्छ। यसको फलहरू सुरुमा बैजनी र हरियो रङ्गमा परिवर्तन हुन्छ । यसको फल एकै दिनमा छ इन्चसम्म बढ्छ।