राष्ट्रपति र प्रधानमन्त्रीको तस्बिर दुरुपयोग गरि टिकटक बनाउने पक्राउ

राष्ट्रपति र प्रधानमन्त्रीको तस्बिर दुरुपयोग गरि टिकटक बनाउने पक्राउ

हाम्रा कुरा

प्रकाशित २०७८ साउन १० आइतबार

काठमाडौँ । नेपाल प्रहरीले राष्ट्रपति र प्रधानमन्त्रीको तस्बिर दुरुपयोग गरेर टिकटक बनाउने एक जनालाई पक्राउ गरेको छ ।

प्रहरीको साइबर ब्यूरोले सामाजिक सञ्जाल फेसबुकमार्फत राष्ट्रपति विद्यादेवी भण्डारी र प्रधानमन्त्री शेरबहादुर देउवाको तस्बिर तोडमोड गरी ‘ट्रोल भिडियो’ बनाइ सामाजिक सञ्जाल टिकटकमा पोष्ट गर्ने झापा मेचीनगरका सोमप्रसाद घिमिरेलाई शुक्रबार पक्राउ गरी आइतवार सार्वजनिक गरेको हो ।

ब्यूरोका प्रवक्ता, प्रहरी वरिष्ठ उपरीक्षक नविन्द अर्यालले सामाजिक सञ्जालमार्फत सम्माननीय राष्ट्रपति र प्रधानमन्त्रीको चरित्र हत्या गरेकाले पक्राउ गरिएको जानकारी दिए ।