-
-
-
-
काठमाडौँ । नेकपा एमालेको माधव नेपाल पक्षीय केन्द्रीय समिति बैठक जारी छ । बैठकले आफ्नो समूहको अबको रणनीति तय गर्ने बताइएको छ । बैठकमा नेता भीम रावल पनि सहभागी छन् । तर नेपाल समूहकै मानिएका नेताहरू योगेश भट्टराई र सुरेन्द्र पाण्डे भने सहभागी भएका छैनन् ।
बैठकमा पहिले केपी ओली पक्षमा रहेका प्रेम आले पनि सहभागी भएका छन् । उनी ओली प्रधानमन्त्री हुँदा वन मन्त्री थिए । तर प्रधानमन्त्री शेरबहादुर देउवाले प्रतिनिधि सभामा विश्वासको मत लिँदा उनी नेपाल पक्षमा खुलेर देउवालाई मत दिएका थिए ।
नेता नेपालले आजको बैठक आफू पक्षीय नेताहरूको राय बुझ्नका लागि बोलाएका हुन् । नेपाल पक्ष भित्र सरकारमा जाने की पार्टी एकताका पक्षमा जाने भन्नेमा अलमल छ ।
प्रधानमन्त्रीमा देउवाका पक्षमा विश्वासको मत दिन उभिएकाहरू सरकारमा सहभागी हुनु पर्ने पक्षमा छन् । तर विश्वासको मत दिन नगएकाहरू भने पार्टी एकताका पक्षमा उभिदैं आइरहेका छन् । देउवालाई एमालेका २२ सांसदले प्रधानमन्त्रीमा विश्वासको मत दिएका थिए ।
