-
-
-
-
काठमाडौं । कम्युनिष्ट नेता प्रदीप नेपालले आफू माधवकुमार नेपालको मान्छे भएको बताएका छन् । सामाजिक सञ्जाल फेसबुकमा बिहीबार बिहान स्टाटस लेख्दै नेपालले आफू माधव नेपालकै मान्छे भएको स्पष्ट पारेका हुन् ।
बुधबार माधव नेपालले नयाँ दल दर्ता गरेर केन्द्रीय कमिटीमा राख्दा प्रदीप नेपालले माधव नेपालले आफ्नो स्वतन्त्रता हनन् गरेको आरोप लगाएका थिए । बुधबार फेसबुक स्टाटस लेखेर माधव नेपालमाथि लगाएको आरोप भने प्रदीप नेपालले हटाएका छन् ।
तर भोलिपल्ट नै उनले आफू माधव नेपालको मान्छे भएको स्पष्ट पारेका हुन् । उनले अहिले आफू कुनै पनि कमिटीमा नरहेको र छ वर्षदेखि नै कमिटीविहीन भएको उल्लेख गरेका छन् ।
पूर्व संचारमन्त्री प्रदीप नेपालले लेखेका छन्, ‘म माधव नेपालको मान्छे हुँ । अहिले मेरो कुनै कमिटी छैन, छ वर्षदेखि म कमिटीविहीन अवस्थामा छु ।’
