महन्थ ठाकुरले पनि दलको नाम फेरे : नयाँ नाम लोकतान्त्रिक समाजवादी
हाम्रा कुरा
प्रकाशित २०७८ भदौ ४ शुक्रबार
523
Shares
काठमाडौँ । निर्वाचन आयोगले अन्य दलसँग मिल्दोजुल्दो नाममा दल दर्ता गर्न इन्कार गरेपछि महन्थ ठाकुरले पनि पार्टीको नाम फेरेका छन् । उनले यसअघि जसपा (लोकतान्त्रिक) नाममा दल दर्ता गर्न निर्वाचन आयोगमा पत्र बुझाएको भए पनि आयोगले सो नाम परिवर्तन गर्न भनेपछि ‘लोकतान्त्रिक समाजवादी’ पार्टी राखिएको नेता केशव झाले जानकारी दिए ।
यसअघि प्रस्ताव गरिएको केन्द्रीय कार्यकारिणी समिति पनि २४ बाट बढाएर ३१ पुर्याइएको उनले जानकारी दिए । यसै गरी वरिष्ठ नेतामा यसअघि राजेन्द्र महतोको नाम मात्र प्रस्ताव गरिएकोमा हाल शरतसिंह भण्डारीलाई पनि वरिष्ठ नेताका लागि प्रस्ताव गरिएको छ ।
राजनीतिक दल सम्बन्धी ऐन २०७३ मा भएको संशोधन अनुसार निर्वाचन आयोगले बिहीबार राती नियमावलीमा समेत संशोधन गरिसकेको छ । नियमावली संशोधन भएपछि आयोगले दल दर्ताका लागि नयाँ निवेदन मागेको हो ।
