काठमाडौं । च्याम्पियन्स लिग फुटबलको ड्र सार्वजनिक भएको छ । युरोपियन फुटबल एसोसिएसन (यूईएफए) ले बिहीबार राति नयाँ सिजनको लागि समूह चरणको समूह विभाजन सार्वजनिक गरेको हो ।
ड्रअनुसार डिफेन्डिङ च्याम्पियन इङ्गलिश क्लब चेल्सी समूह एच मा परेको छ । उक्त समूहमा इटालियन क्लब युभेन्ट्ससहित रसियन क्लब जेनिट र स्वीस क्लब माल्मो रहेका छन् ।
त्यस्तै समूह ए मा इङ्गलिश क्लब म्यानचेस्टर सिटी र फ्रेन्च क्लब पेरिस सेन्ट जर्मेन (पीएसजी) सँगै जर्मन क्बल आरबी लेप्जिग र बेल्जियन क्लब ब्रुग रहेका छन् ।
समूह बीमा इङ्गलिश क्लब लिभरपुल, स्पेनिश क्लब एटलेटिको मड्रिड, पोर्चुगिच क्लब एफसी पोर्टो र इटालियन क्लब एसी मिलान रहेका छन् ।
समूह सीमा पोर्चुगिच क्लब स्पोर्टिङ सिपी, जर्मन क्लब बोरुसिया डर्टमण्ड, डच क्लब आयाक्स, टर्किश क्लब बेसिक्तास रहेका छन् ।
समूह डी मा स्पेनिश क्लब रियाल मड्रिड र इटालियन क्लब इन्टर मिलानसँगै युक्रन क्लब शक्तर दोनेस्क र शेरिफ तिरास्पोल रहेका छन् ।
यस्तै समूह ईमा स्पेनिश क्लब बार्सिलोना, जर्मन क्लब बायर्न म्युनिख, पोर्चुगिच क्लब बेनेफिका र युक्रेन क्लब डाइनामो किभ रहेका छन् ।
समूह एफमा स्पेनिश क्लब भिल्लारियल, इङ्गलिश क्लब म्यान्चेष्टर युनाइटेड, इटालियन क्लब एटलान्टा र स्वीस क्लब योङ बोइज रहेका छन् ।
समूह जीमा फ्रेन्च क्लब लियोन, स्पेनिश क्लब सेभिया, अष्ट्रियन क्लब साल्जबर्ग र जर्मन क्लब उल्फवर्ग रहेका छन् ।
