-
-
-
-
काठमाडौँ । विदुर दूरदर्शी र महान् विचारक थिए । विदुर नीतिका अनुसार खराब बानीहरूले मनुष्यलाई पतन तर्फ लिएर जान्छ । नीतिका अनुसार केही विशेष प्रकारको नराम्रो बानी हुने मानिसको आयु पनि कम हुन्छ।
विदुर नीतिका अनुसार लोभ सबैभन्दा खराब हो। विदुर भन्छन् एक लोभी र स्वार्थी व्यक्ति लामो समय सम्म बाँच्दैन। लोभ र स्वार्थलाई व्यक्तिको शत्रु मानिन्छ।
विदुरका अनुसार हर समय आफ्नो प्रशंसा गर्ने र आफूलाई बुद्धिमान ठान्ने मानिस अहङ्कारी, घमन्डी हुन्छ। केही व्यक्तिहरू आफूलाई सर्वश्रेष्ठ, उत्तम सम्झन्छन्, त्यस्ता व्यक्तिहरूको उमेर कम हुन्छ।
समाजमा सुख, शान्ति कायम गर्न मानव भित्र त्यागको भावना हुनुपर्दछ । जो व्यक्ति त्याग गर्न जान्दैन उसको पनि चाडै मृत्यु हुन्छ ।
क्रोध मानिसको सबैभन्दा खराब शत्रु हो। रिसाएको मानिसले गलत काम गर्दछ । त्यसबाट उसले आफ्नो सम्पूर्ण जीवन पश्चात्ताप गर्नुपर्दछ। त्यस कारण, जब रिस उठ्छ, तुरुन्त यसलाई काबुमा गर्ने कोसिस गर्नुपर्छ।
