-
-
-
-
काठमाडौँ। नेपाली बजारमा आज सुनको मूल्य प्रतितोला रु २०० ले घटेको छ। छापावाल सुन बुधवार प्रतितोला रु ८८ हजार ९०० मा कारोबार भएको थियो। नेपाल सुन चाँदी व्यवसायी महासङ्घले सार्वजनिक गरेको तथ्याङ्कअनुसार छापावाल सुनको मूल्य प्रतितोला रु ८८ हजार ७०० तोकिएको छ।
तेजाबी सुनको मूल्य प्रतितोला रु ८८ हजार २५० कायम गरिएको छ जुन बुधवार प्रतितोला रु ८८ हजार ४५० मा कारोबार भएको थियो ।
महासङ्घका अनुसार चाँदीको मूल्य बुधवारको तुलनामा आज प्रतितोला रु ३५ ले घटेको छ। बुधवार प्रतितोला रु एक हजार १५५ मा कारोबार भएको चाँदीको मूल्य आज प्रतितोला रु एक हजार १२० तोकिएको छ।
अन्तर्राष्ट्रिय बजारमा हुने सुन चाँदी कारोबार मूल्यका आधारमा नेपालमा महासङ्घले सुन तथा चाँदीको मूल्य तोक्ने गर्दछ। अन्तर्राष्ट्रिय बजारमा यतिखेर सुन प्रतिऔँसा एक हजार ७३२ दशमलव ७२ अमेरिकी डलरमा कारोबार भइरहेको छ।
