टी–२० विश्वकपः आयरल्याण्डको आरामदायी र नेदरल्याण्ड्सको खल्लो शुरुआत

हाम्रा कुरा

प्रकाशित २०७८ कार्तिक २ मंगलबार

काठमाडौं । ओमान र यूएईको संयुक्त आयोजनामा चलिरहेको आईसीसी टी–२० विश्वकप क्रिकेट प्रतियोगितामा आयरल्याण्डले आरामदायी शुरुआत गरेको छ । आयरल्याण्डले आफ्नो पहिलो खेलमा नेदरल्याण्ड्सलाई ७ विकेटले पराजित गर्यो ।

खल्लो शुरुआत गर्ने क्रममा यूएईको आबुधाबीमा सोमबार नेदरल्याण्ड्सले पहिले ब्याटिङ गर्दै २० ओभरमा अलआउट हुँदै १०६ रन मात्रै बनायो । ओपनर म्याक्स ओ’डोडले ५१ रन बनाए । आधा दर्जन खेलाडीले रनको खाता समेत खोल्न सकेनन् । चार खेलाडीले मात्र दोहोरो स्कोर खडा गर्न सके ।

नेदरल्याण्ड्सलाई सस्तैमा समेट्न आयरल्याण्डका कर्टिस क्याम्फरले कीर्तिमानी ४ विकेट लिए । उनले चार विकेट लगातार चार बलमा लिएका हुन् । उनले ह्याट्रिकसहित चार विकेट लगातार नै लिएका हुन् । उनी लगातार ४ बलमा ४ विकेट लिने विश्वकै तेस्रो खेलाडीसमेत बनेका छन् ।