-
-
-
-
धनुषा । धनुषाको जनकपुरधाममा दुई समुदायबिच भएको विवादलाई लिएर लगाइएको निषेधाज्ञाको समयलाई लाई बढाइएको छ । प्रमुख जिल्ला अधिकारी बन्धुप्रसाद बास्तोलाले आइतबार जनकपुरधाम उपमहानगरपालिका-२० मा लगाइएको निषेधाज्ञालाई मङ्गलवार राति १० बजेसम्मको लागि बढाउने निर्णय गरिएको जानकारी दिए ।
जनकपुरधाम-२० मा छठ पर्वमा अर्घ्य राख्नका लागि बनाउन लागेको घाटको विषयमा हिन्दु र मुस्लिम समुदायबिच विवाद भएको थियो । सोही विवादले शनिवार उग्र रूप लिएपछि स्थानीय प्रशासनले निषेधाज्ञा जारी गरेको थियो ।
प्रजिअ बास्तोलाले शान्ति सुरक्षाको अवस्थालाई मध्यनजर गर्दै मङ्गलवार राति १० बजेसम्म निषेधाज्ञा बढाइएको जानकारी दिए ।
पूर्वमा जलाद नदीको कल्री बाँध, पश्चिममा जनकपुर-जटही मार्ग दोबाटो, उत्तरमा हनुमान नगर रामपुर बहुअर्वा जाने बाटो र दक्षिणमा देवपुरा निमचौकदेखि बहुअर्वा जाने बाटोसम्म निषेधाज्ञा जारी गरिएको छ ।
