-
-
-
-
काठमाडौँ । मङ्गलवार तोलाको १६ सयले सुन घटेको छ । मङ्गलवार छापावाल सुनको मूल्य प्रतितोला रु ९२ हजार ३०० तोकिएको छ । सुनचाँदी बजारमा अघिल्लो दिन प्रतितोला रु ९३ हजार ९०० मा कारोबार भएको सुन आज प्रतितोला रु १६ सयले घटेको हो ।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार तेजाबी सुनको आजको मूल्य प्रतितोला रु ९१ हजार ८०० कायम भएकामा सोमबार प्रतितोला रु ९३ हजार ४०० पुगेको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १५ले घटेर रु एक हजार २५५ तोकिएको महासङ्घले जनाएको छ ।
अन्तरराष्ट्रिय बजारमा आज सुन प्रतिऔँसा एक हजार ८०८ डलर आसपासमा कारोबार भइरहेको छ ।
