-
-
-
-
झापा । नेपाली कांग्रेसको १४ औं महाधिवेशन अन्तर्गत झापा जिल्लाको नेतृत्व देउकुमार थेवेको भागमा गएको छ । मत परिणामअनुसार सभापतिका प्रतिस्पर्धी रामबहादुर कट्टेललाई पछि पार्दै थेवे सभापति बन्न सफल भएका हुन् ।
जम्मा ३ हजार ३११ मत खसेकामा थेवेले १ हजार ७६५ मत पाउँदा कट्टेलले १ हजार ५१५ मत पाए । थेवे कांग्रेस पूर्वमहामन्त्री कृष्णप्रसाद सिटौला पक्षका हुन् । कांग्रेस प्रवक्ता विश्वप्रकाश शर्मा पक्षका कट्टेल पराजित भएका हुन् ।
त्यस्तै उपसभापतिमा केशवराज पाण्डे र शेरबहादुर भट्टराई विजयी भएका छन् । पाण्डेले १ हजार ८८९ र भट्टराईले १ हजार ६७४ मत पाए । प्रेम सम्वाहाम्फे र शमशेर गिरी भने पराजित भएका छन् ।
त्यस्तै सचिवमा नवीन बिमली र कृष्ण हुमागाई विजयी भएका छन् । विश्वदिप लिम्बू र टुमलाल राजवंशी भने पराजित भएका छन् ।
त्यस्तै सहसचिवमा कालेन्द्रसाद राजवंशी र कमलप्रसाद भण्डारी विजयी भएका छन् । उमाराम प्रसाई र पदम लिम्बू भने पराजित भएका छन् ।
