पोखरा । पोखरा ओपन तथा भेट्रान्स टेनिस प्रतियोगिता अन्तर्गत मेन्स सिंंगल्सको उपाधि पोखराका प्रदीप खड्काले जितेका छन् । फाइनल खेलमा प्रदीपले आरभ सम्राट हाडालाई ६-३, ६-४ को सोझो सेटमा पराजित गर्दै उपाधि जितेका हुन् । जितसंगै खड्का नेपालको शीर्ष वरीयतामा उक्लिएका छन् ।
गत महिना काठमाडौंमा सम्पन्न गणेशमान राष्ट्रिय टेनिस प्रतियोगितामा खड्का आरम्भसंग ६-३, ६-१ ले पराजित हुन पुगेका थिए ।
यसैगरी प्रतियोगिता अन्तर्गत ३५ वर्ष माथिको एकलतर्फको उपाधि सन्तोष खत्रीले आफ्नों गराए । फाइनल खेलमा सन्तोषले भिष्म गुरुङ्गलाई ६-०, ६-१ को सहज सेटमा पराजित गरे ।
४५ वर्ष माथिको एकल उपाधि चन्द्र शाहीले जित । उनले विमल कुमार गुरुङ्गलाई ६-३, ६-२ को सोझो सेटमा जित हासिल गर्दै सो उपाधि रक्षा गरेका हुन् ।
यस्तै, ४५ वर्ष माथिको मेन्स डबल्समा हिमाल शाह र राजु क्षेत्रीको जोडी विजेता बन्यो ।
हिमाल जोडीले पोखराका विनोद कायस्थ र विकास गुरुङ्गको जोडीलाई ६-२, ६-२ को सोझो सेटमा जित निकाल्दै प्रथम स्थान हासिल गरेको हो ।
