- सुन चाँदी दर
- विनिमय दर
- नेपाली पात्रो
- राशिफल
काठमाडौं । विजय सेतुपति दक्षिण भारतीय चलचित्रका सुपरस्टार हुन् । दमदार अभिनय, संवाद लेखनदेखि गीतकार र निर्मातासम्म उनले आफूलाई साउथ फिल्म उद्योगमा प्रमाणित गरिसकेका छन् । धेरै तमिल फिल्ममा काम गरिसकेका विजय सेतुपति आज विलासी जीवन बिताइरहेका छन् । आज विजयको ४४ औं जन्मदिन हो ।
विजय सेतुपति अभिनय जगतमा आउनुअघि लेखापाल थिए । तर, आफूभित्र लुकेका कलाकारितालाई उनले कहिल्यै मर्न दिएनन् । पेशाको भरमा नै उनी स–साना भूमिका गर्दै चर्चित नाम बनेका हुन् । उनलाई पहिलो पटक २०१० को फिल्म 'थेनमुर्क परुवाकाटरू'मा ठुलो भूमिकाको प्रस्ताव आएको थियो। विजयले अहिलेसम्म ३० भन्दा बढी फिल्ममा काम गरिसकेका छन् ।
विजय सेतुपतिले पैसा कमाउन निकै सङ्घर्ष गरे । उनले आफ्नो खर्च चलाउन सेल्सम्यान, क्यासियर, फोन बुथ अपरेटरको रूपमा पनि काम गरे। विजयले सिमेन्ट कारखानामा समेत काम गरेका थिए ।
मुख्य भूमिकाको रूपमा विजयको पहिलो फिल्मले तीन वटा राष्ट्रिय पुरस्कार जित्यो। यसपछि उनले २०१२ मा गरेका सबै फिल्म सफल भए । योसँगै विजय सेतुपति साउथ फिल्म इन्डस्ट्रीका सबैभन्दा महँगा अभिनेता बने । आज पनि विजयको नाम महँगा कलाकारमा गनिन्छ ।