-
-
-
-
पोखरा । मनाङ मर्स्याङ्दी क्लब पोखरामा जारी आहा रारा गोल्ड कपको सेमिफाइनलमा प्रवेश गरेको छ ।
आइतबार पोखरा रंगशालामा भएको दोस्रो क्वाटर फाइनल खेलमा विभागीय टिम नेपाल पुलिस क्लबलाई २-० गोलले पराजित गर्दै मनाङ प्रतियोगिताको सेमिफाइनलमा प्रवेश गरेको हो ।
योसँगै पाँच पटक आहा रारा गोल्ड कपको उपाधि जित्न सफल पुलिस क्लब जारी प्रतियोगिताबाट बाहिरिएको छ ।
मनाङलाई विजयी गराउन रुपेश केसीले खेलको ६५ र वलावलेले ८३ औं मिनेटमा एक-एक गोलको योगदान गरेका थिए ।
खेलमा मनाङ मर्स्याङ्दीका बलाबले म्यान अफ दी म्याच घोषित भए ।
प्रतियोगिता अन्तर्गत सोमबार तेस्रो क्वाटर फाइनल खेल सङ्कटा क्लब र मच्छिन्द्र क्लब बीच खेल हुनेछ ।
