-
-
-
-
पोखरा । मच्छिन्द्र फुटबल क्लब पोखरामा जारी आहा रारा गोल्डकपको सेमिफाइनलमा प्रवेश गरेको छ ।
सोमबार भएको तेस्रो क्वाटर फाइनल खेलमा साबिक विजेता सङ्कटा क्लबमाथि ४-१ गोलको शानदार जित निकाल्दै मच्छिन्द्र सेमिफाइनलमा प्रवेश गरेको छ ।
मच्छिन्द्रको जितमा मेसुके ओलुमोउले दुई तथा उत्सव राई र अभिषेक गुरुङले एक-एक गोल गरे । सङ्कटाका गणेश हमालले एक गोल फर्काए ।
मच्छिन्द्रले अब फाइनल प्रवेशका लागि बुधबार एपिएफसँग खेल्नेछ ।
प्रतियोगिता अन्तर्गत मङ्गलवार अन्तिम क्वाटर फाइनलमा त्रिभुवन आर्मी फुटबल क्लब र थ्री स्टार क्लबबीच खेल हुनेछ ।
