-
-
-
-
काठमाडौं । काठमाडौं उपत्यकामा ट्याक्सी र निजी सवारी साधनमा मात्रै जोर विजोर प्रणाली लागु हुने भएको छ । शुक्रबार जिल्ला प्रशासन कार्यालयले नयाँ आदेश जारी गर्दै यस्तो जानकारी दिएको हो ।
यस्तै अन्य जनस्वास्थ्यका मापदण्ड पालना गर्ने, भीडभाड, सभाजुलुस नगर्ने लगायतका पूरानै आदेशहरु जारी रहेका छन् । उता, कोभिड १९ संकट व्यवस्थापन समन्वय केन्द्र (सीसीएमसीसी)ले निजी र ट्याक्सीमा मात्रै जोर विजोर प्रणाली लागु गर्न सिफारिस गरेको छ ।
यस्तै सीसीएमसीसीले भौतिक रुपमा विद्यालय सञ्चालन गर्ने बिषयलाई माघ मसान्तसम्म लम्ब्याउनसमेत सिफारिस गरेको छ । त्यतिञ्जेल वैकल्पिक माध्यमबाटै शैक्षिक गतिविधि सञ्चालन गर्न सीसीएमसीसीले आग्रह गरेको छ ।
जिल्ला प्रशासन कार्यालय काठमाडौंद्वारा जारी नयाँ आदेश यहाँ क्लिक गरेर पढ्न सकिनेछ ।
