-
-
-
-
काठमाडौं । नेपाली राष्ट्रिय फुटबल टिमको खेल देखेर खेलकुद मन्त्री महेश्वरजंग गहतराज (अथक) दङ्ग परेका छन् । दशरथ रङ्गशालामा मङ्गलवार बेलुका भएको दोस्रो मैत्रीपूर्ण खेलमा नेपालले अफ्रिकी देश मरिससलाई १–० गोलले पराजित गरेको थियो ।
मन्त्री अथकले फुटबल टिमका खेलाडीहरूलाई बधाई दिएका छन् । यसअघि गत शनिवार भएको पहिलो खेलमा समेत नेपाल विजयी भएको थियो । अफ्रिकन देशसँग पहिलो पटक भएका दुबै मैत्रीपूर्ण खेल हेर्न मन्त्री अथक रङ्गशाला पुगेका थिए ।
मन्त्री अथकले नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीको समेत प्रशंसा गरेका छन् ।
रङ्गशालामा उपस्थित भई प्रत्यक्ष खेल हेरेका मन्त्री अथकले नेपाली खेलाडीहरूको खेलबाट आफू प्रभावित भएको प्रतिक्रिया दिएका छन् । प्रतियोगिता समय भरी निकै उत्साहित देखिएका मन्त्री अथकले नेपाली खेलाडीहरुले स्तरीय खेल प्रदर्शन गरेको भन्दै खुसी समेत व्यक्त गरे ।
