-
-
-
-
प्यूठान । नेपाली कांग्रेस प्यूठानले प्रजातन्त्र दिवसको अवसरमा प्रजातन्त्र स्थापना पश्चात तथा माओवादी द्वन्द्व अगाडिका साविक गाविस सभापतिलाई सम्मान गरेको छ ।
२०४८ र २०५३ सालमा निर्वाचित गाविस इकाइ सभापतिहरुलाई कांग्रेसले सम्मान गरेको हो । प्रजातन्त्र दिवसको अवसरमा शनिबार पूण्यखोला प्यूठानमा भएको कार्यक्रममा बहुदल स्थापना तथा द्वन्द्वकालीन समयमा समेत सङ्गठन विस्तार अभियानमा उल्लेख्य भूमिका खेलेका कारण सम्मान गरिएको प्यूठान सभापति विष्णुकुमार गिरीले बताए ।
कार्यक्रममा ६५ जना पूर्व सभापतिलाई सम्मान गरिएको थियो । कार्यक्रममा कांग्रेस केन्द्रीय सदस्य प्राडा गोविन्दराज पोख्रेल, लुम्बिनि प्रदेश उपसभापति राजु खनाल, प्रदेश सदस्य अम्मर भण्डारी, शुभास केसी लगायतले शुभकामना मन्तव्य राखेका थिए ।
