-
-
-
-
काठमाडौं । युक्रेनमाथिको रुसी हमला कुनै राष्ट्र विरूद्धको अपराध भएको ठहर गर्दै मानवअधिकारवादीहरुले सांकेतिक विरोध गर्दैछन् । यो आक्रमण फौजदारी अदालतको रोम विधानको दायरामा पर्ने परिभाषा अन्तर्गतको गम्भीर अन्तर्राष्ट्रिय अपराध भएको भन्दै नेपालको मानव अधिकार समुदायको तर्फबाट संकेतिक विरोध प्रदर्शन गर्न लागिएको हो ।
शुक्रबार बिहान रुसी दूतावास अगाडि बालुवाटारमा अधिकारकर्मीहरुले रुसले युद्ध रोक्नु पर्ने र युक्रेनमा शान्ति स्थापनाको माग राख्दै शान्तिपूर्ण सांकेतिक विरोध कार्यक्रम गर्न लागेका हुन् । उनीहरुले मानव अधिकारकर्मीहरुलाई उपस्थितिका लागि आग्रहसमेत गरेका छन् ।
