-
-
-
-
नेपालगञ्ज । नेपाली कांग्रेस बाँकेका नवनिर्वाचित सभापति नारायणप्रसाद गौडेलले विपीको शालिकमा माल्यार्पण गरेका छन् । सभापतिमा निर्वाचित भएपछि गौडेलले शनिबार बिहान नेपाली कांग्रेस पार्टी कार्यालयमा रहेको वीपीको शालिकमा विपीलाई सम्झदै माल्यार्पण गरेका हुन् ।
सभापति गौडेलसहित नवनिर्वाचित उपसभापति गोपाल अधिकारी ,सचिव शुधांशु कोइराला, सहसचिव रेनु ठाकुर, निर्वाचन क्षेत्र नम्बर १ बाँकेका क्षेत्रीय सभापति पोषण केसी लगायतका नेता कार्यकर्ता वीपीको शालिकमा माल्यार्पण गर्दै नवनिर्वाचित सभापति गौडेललाई बधाईसमेत दिएका थिए ।
गौडेल शुक्रबार सम्पन्न भएको अधिवेशनबाट संस्थापन समूहका बादशाह कुर्मीलाई ९७ मतान्तरले पराजित गर्दै सभापतिमा निर्वाचित भएका थिए । गौडेलले ७६० र कुर्मीले ६६३ मत ल्याएका थिए ।
